Gjirokastra feston sot 20-vjetorin e anëtarësimit në UNESCO.
Në këtë ditë kryeministri Edi Rama ka shpërndarë pamje nga qyteti i gurtë.
Përmes një postimi në rrjetet sociale, Rama shkruan se Gjirokastra është tashmë pasuri e shpirtit dhe pasuri botërore.
“Mirëmëngjes, dhe nga Gjirokastra që kremton 20 vjetorin si pasuri Botërore në UNESCO dhe përjetësisht pasuri e shpirtit, ju uroj ditë të mbarë!”
Kujtojmë se Gjirokastra u përfshi në listën e Trashëgimisë Botërore të UNESCO-s në vitin 2005, falë arkitekturës unike të qytetit.
