Gjendet i pajetë në rrugë 62-vjeçari në Korçë

Një 62-vjeçar është gjetur i pajetë në lagjen 4 të qytetit të Korçës. Sipas informacioneve, viktima u gjet nga kalimtarë në rrugë, afër banesës së tij.

Nga këqyrja paraprake nuk ka shenja dhune në trup, ndërsa u dërgua në morgun e spitalit të Korçës për ekspertizën mjeko-ligjore.

Policia po kryen veprimet e mëtejshme lidhur me rastin.