Në doganën e Kakavijës vazhdon fluksi i lartë i lëvizjes në të dyja anët e kufirit ndërsa një numër i madh emigrantësh kthehen në vendlindje për të kaluar pushimet e verës.
Për shmangien e radhëve të pritjes në kufi në këto ditë vere përveç masave nga pala shqiptare synohet edhe bashkëpunimi me palën greke.
Policia Kufitare thotë se qytetarët nuk duhet të dynden në Kakavijë por të përdorin edhe doganat e tjera kufitare me shtetin grek.
Gjatë ditës së marte nëpërmjet doganës së Kakavijes lëvizën në të dyja anët e kufirit rreth 10 mijë shtetas shqiptarë dhe të huaj.
