50 familje nga Shkodra dhe 3 nga Malësia e Madhe janë evakuuar nga banesat e tyre, të cilët janë strehuar tek të afërm ose konviktet e shkollave.
Ministria e Mbrojtjes bën me dije se në terren për të përballuar situatën e vështirë janë mbi 240 efektivë dhe 25 motomjete dhe pajisje të posaçme për përmbytje.
Ministria gjithashtu u bën thirrje banorëve të zonave më të prekura nga reshjet, të bëjnë kujdes gjatë këtyre orëve kritike, të kërkojnë ndihmën e autoriteteve në çdo rast dhe pa vonesë.
