Është ndarë nga jeta në një moshë të re, vajza e ish-deputetit, Vangjel Tavo. Eva Tavo ka humbur jetën në një aksident rrugor të ndodhur në Tetovë.
Vajza e ish-deputetit është përplasur nga një makinë në rrugën industriale në Tetovë. E reja u dërgua pas aksidentit në Spitalin Klinik, por nuk ka mundur të mbijetojë.
Për shkak të plagëve të rënda, Eva Tavo ka ndërruar jetë. Lajmin e trishtë e bën me dije vetë ish-deputeti i LSI përmes një njoftimi në Facebook.
Përcjellja për në banesën e fundit për 24-vjeçaren do të bëhet ditën e enjte, 30 nëntor, ora 11:00 në Gjirokastër.
“Këto janë fjalët më të vështira që shkruaj në jetën time.
Vajza ime e madhe Eva u nda nga jeta në kulmin e rinisë, në moshën më të bukur, siç ishte edhe vetë ajo.
Varrimi bëhet ditën e enjte, datë 30 nëntor, ora 11:00 në Jorgucat, Gjirokastër”, shkruan ish deputeti.
Kjo nuk është tragjedia e parë për familjen Tako.
Disa vite më parë është ndarë tragjikisht nga jeta edhe nëna e Evës, Aristulla Xhumba.
