Një ngjarje e rëndë ka ndodhur sot në Lezhë, ku një 30-vjeçare është vetëhedhur nga kati i katërt i një pallati.
Mësohet se ngjarja ka ndodhur në lagjen “Besëlidhja”, teksa dyshohet se e reja vuante nga depresioni. Gjendja e saj paraqitet e rëndë dhe ajo është dërguar drejt spitalit të Traumës në Tiranë për mjekim të specializuar.
Policia ndërkohë ka nisur hetimet për zbardhjen e plotë të rrethanave të ngjarjes.
Njoftimi i policisë.
Lezhë/Informacion paraprak
Pasditen e sotme, në lagjen “Besëlidhja”, dyshohet se është vetëhedhur nga kati i katërt i pallatit, shtetasja E. l., 30 vjeçe, e cila përdor medikamente për depresionin.
30-vjeçarja po dërgohet në Spitalin e Traumës, për ndihmë mjekësore.
Grupi hetimor po kryen veprimet për sqarimin e rrethanave të rastit.
