Një ngjarje e rëndë është regjistruar ditën e sotme në aksin rrugor Elbasan-Peqin, ku një person është gjetur i pajetë.
Policia ka njoftuar se personi ende i paidentifikuar, dyshohet se ka humbur jetën pasi është përplasur nga një makinë, ndërsa shoferi e ka braktisur duke u larguar.
Grupi hetimor po punon për zbardhjen e rrethanave të aksidentit, identifikimin e viktimës, identifikimin dhe kapjen e drejtuesit të automjetit.
Njoftimi i policisë:
Elbasan- Më datë 22.12.2022, në aksin rrugor Elbasan-Peqin, në fshatin Paper, është gjetur i pajetë, në rrugë, një shtetas ende i paidentifikuar.
Nga veprimet hetimore paraprake dyshohet se ky shtetas ka humbur jetën pasi është aksidentuar nga një drejtues automjeti, ende i paidentifikuar, i cili është larguar nga vendngjarja.
Grupi hetimor po punon për zbardhjen e rrethanave të aksidentit, identifikimin e viktimës, identifikimin dhe kapjen e drejtuesit të automjetit.
Materialet i kaluan Prokurorisë pranë Gjykatës së Shkallës së parë Elbasan, për veprime të mëtejshme.
