Një zjarr i rënë në orët e para të kësaj të hëne në një stallë bagëtish në fshatin Lashkizë të Zall Dardhës në Dibër në pronësi të shtetasve Petrit e Islam Poleshi ka shkaktuar dëm të madh.
Mësohet se zjarri ka rënë rreth orës 1 të mëngjesit ku ka përfshirë gjithë stallën.
Për shkak se kjo e fundit ka qenë e ndërtuar në masën më të madhe me lëndë druri, flakët janë përhapur me shpejtësi duke shkrumbuar gjithçka në pak minuta.
Si pasojë e zjarrit janë djegur 4 lopë e 4 viça, 55 krerë dele, 20 koshere bletë që ndodheshin ngjitur me stallën dhe bazë ushqimore.Ende nuk dihen shkaqet e rënies së këtij zjarri ndërsa paraprakisht dyshohet të jetë i qëllimshëm.
