Një episod i rëndë ka ndodhur nëpërfundim të ndeshjes Erzeni – Partizani në Niko Dovana. Presidenti i shijakasve, Durim Keci, teksa po kontestonte arbitrat në momentin që po hynin në tunel, ka rënë nga tribuna me kokë dhe është dëmtuar rëndë.
Është dashur ndërhyrja e menjëhershme e mjekëve për ndihmën e parë dhe më pas u transferua me urgjencë në spital.
Kontestimet e arbitrit Florian Lata kanë qenë të shumta nga të dyja ekipet dhe për këtë tifozët shijakas kanë reaguar në rrjete sociale, fillimisht duke i uruar shërim të shpejtë presidentit dhe më pas me kërcënime ndaj gjyqtarit.
