Ditën e djeshme 20 persona u arrestuan dhe 4 të tjerë u shpallën në kërkim pasi u zbulua se shisnin lëndë naroktike pranë shkollave dhe në lagje të ndryshme të kryeqytetit.
Gjimnazistët dhe të miturit ishin blerësit kryesorë të këtyre korrierëve. Dy gjimnazistë pranë gjimnazit “Petro Nini Luarasi” kanë treguar eksperiencën e tyre me hashashin, si e kanë nisur dhe pse e përdorin.
Gjimnazist jam dhe unë, në vitin e tretë. Nuk jam përdorues i fortë, por për qef. Kur mblidhemi për ditëlindje. Nuk jemi përdorues të varur nga droga. Me shokët, hajde pije. Hamë bukë.Të bën të hash bukë shumë. Para një viti, 16 vjeç e kam konsumuar për herë të parë. Të lezeton, të heq streset. E ke mendjen për të qeshur, jo për të mbajtur mendjen tek stresi.
Ndërkohë që shoku tjetër ka treguar se në lagje nisi të konsumonte lëndë narkotike. Ashtu si shoku i tij edhe ky adoleshent e konsideron kanabisin si diçka anti-stres dhe qetësuese.
18 vjeç, prej një viti. E nisa nëpërmjet shokëve, në lagje. Në çdo cep konsumohet. Kanabis. Është për të rinjtë. Është qetësuese. Rinia ka strese. Është dhe pjesë qejfi. Nuk është se është e domosdoshme. Me raste për qejf. 2-3 herë në javë. Nuk e kalojmë cakun. Është e lehtë me e gjet. Në çdo cep. E dallon. Kush e pi e di. I shohin dhe vetë ato që e shesin tha njëri prej tyre.
Ata thonë se të konsumosh lëndë narkotike është diçka normale, pasi është e lehtë të gjesh kanabis dhe të gjithë e konsumojnë.
Nuk është se është drogë e rëndë, por mentaliteti që është drogë, drogë. Për momentin të jep adrenalinë, të heq stresin. Për të lënë e kam lënë, se të pish një teke që e konsumojmë me 4-5 persona, është e lënme. Thjesht është ai fiksimi me çunat. Nuk është e shtyrë, se të gjithë i dinë vetë gjërat e veta. Kur je I vetmi në grup që se pinë se si ndihesh. Tani e pi me qejf, por në fillimet e mia e kisha të domosdoshme. Është fiksim jo se ta kërkon trupi. Është në mendje.
Ata kanë treguar edhe çmimin e kanabisit dhe faktin se edhe nxënës të shkollave 9-vjeçare dhe vajza konsumojnë kanabis.
Një dozë nga 5 mijë deri në 10. Pastaj ke dhe çmime të larta. Lekët i sigurojmë me punë, edhe nga shtëpi. Jam gjimnazist, në vit të tretë. Gjithë rinia e konsumon. Shoh nxënës të klasë së 9, moshatar, më të mëdhenj që e pinë. Edhe gocat e konsumojnë”. “Një dozë kushton 5 deri në 10 mijë lekë.
