Një 52-vjeçar ka humbur jetën aksidentalisht në Librazhd, pasi e ka marrë rrjedha e ujit në kanalin vaditës.
Ngjarja ka ndodhur në fshatin Letëm, ku shtetasi me inicialet Sh. L., 52-vjeç, i cili ishte roja e kanalit vaditës Koshorisht-Zgosht.
Nuk dihen ende rrethanat e plota të ngjarjes, teksa grupi hetimor vijon punën për zbarhdjen e plotë.
Njoftimi i policisë:
Librazhd/Pasditen e djeshme, në fshatin Letëm, Librazhd, dyshohet se aksidentalisht, për shkak të prurjeve të larta, rrjedha e ujit në kanalin vaditës Koshorisht-Zgosht, ka marrë shtetasin Sh. L., 52 vjeç, banues në fshatin Letëm, Librazhd (roja e këtij kanali vaditës), i cili si pasojë ka humbur jetën. Grupi hetimor vijon punën për dokumentimin e plotë ligjor të kësaj ngjarjeje.
