Një ngjarje e rëndë është regjistruar këtë të martë në tali. Një 32-vjeçare shqiptare ka ndërruar jetë, ndërsa motra e saj 36 vjeç ndodhet në spital në gjendje të rëndë. Të dyja motrat u rrëzuan nga kati i katërt i banesës.
Paraprakisht dyshohet të ishte një tentativë vetëvrasjeje e njërës prej dy motrave. Ka qenë motra tjetët ajo që është përpjekur të parandalonte tragjedinë, por ka rezultuar duke rënë gjithashtu.
Viktima, sipas mediave italiane, kishte katër fëmijë, të cilët ndodheshin në shtëpi në momentin e tragjedisë. Më i vogli është disa muajsh, më i madhi është nëntë vjeç. Fëmijët do t’i kalojnë në kujdestari babait, nga i cili 32-vjeçarja po ndahej.
Më 10 janar do të kishte një seancë gjyqësore për kujdestarinë e katër fëmijëve dhe duket se 32-vjeçarja kishte frikë se ata do t’i besoheshin ish-bashkëshortit të saj, pavarësisht dënimit për dhunë ndaj gruas.
Sipas asaj që raportohet nga mediat lokale në Itali, gruaja që vdiq, dje kishte shkruar në rrjetet sociale shprehjen “Zoti më pret”.
