Një ngjarje e rëndë mësohet të ketë ndodhur ditën e sotme në Tropojë. Policia ka parandaluar një konflikt brenda në familje të shkojë deri në fatalitet.
Një 19-vjeçar është arrestuar nga policia në flagrancë pasi ka ushtruar dhunë ndaj familjarëve gjithashtu ka kërcënuar me thikë edhe nënën e tij.
Gjatë kontrollit fizik policia i ka gjetur djalit një celular të cilin e kishte vjedhur te një nga familjarët e tij gjithashtu edhe 2 thika. Sendet e gjetura u sekuestruan si provë materiale për hetimet e mëtejshme.
NJOFTIMI I POLICISË:
Ndërhyrja e menjëhershme e shërbimeve të Policisë parandalon përshkallëzimin e mëtejshëm të dhunës në një familje.
Ushtroi dhunë fizike ndaj familjarëve dhe kanosi me mjet prerës (thikë), nënën e tij, arrestohet në flagrancë 19-vjeçari.
Gjithashtu, ky shtetas dyshohet se i vodhi celularin, njërit prej familjarëve.
Sekuestrohen 2 mjete prerëse (thika) dhe celulari i vjedhur.
Shërbimet e Komisariatit të Policisë Tropojë, pas marrjes së njoftimit se fshatin Shoshan, po ndodhte një konflikt në familje, menjëherë kanë organizuar punën dhe kanë shkuar në adresën e dhënë ku kanë kapur dhe vënë në pranga shtetasin S. B., 19 vjeç, banues në fshatin Shoshan.
Ky shtetas dyshohet se ka ushtruar dhunë fizike ndaj nënës së tij dhe disa familjarëve të tjerë, e ka kanosur nënën me mjet prerës (thikë), si dhe i ka vjedhur celularin njërit prej familjarëve.
Gjatë kontrollit fizik, shërbimet e Policisë i gjetën 19-vjeçarit, 2 mjete prerëse (thika) dhe celularin e vjedhur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
