Policia, Struktura e Posaçme kundër Krimit të Organizuar dhe Korrupsionit dhe DEA amerikane po zhvillon një aksion policor në Fier.
Burime për Vizion Plus bëjnë me dije se forca të shumta Policie kanë zbarkuar në Frakull të Madhe.
Në operacion është e përfshirë DEA amerikane në bashkëpunim me SPAK dhe policinë malazeze.
400 kg pleh kimik ka ardhur nga Mali i Zi në Shqipëri e përzier me kokainë. Laboratori i përpunimitndodhet në periferi të Fierit. Deri tani jane arrestuar 15 persona. Katër të arrestuarit në Tiranë sot janë pjesë e këtij grupi.
U arrestuan sepse kanë dalë në përgjime dhe mbaheshin në vëzhgim.
Me dije bëhet gjithashtu se në laboratorin e përpunimit në Fier janë kapur disa armë zjarri të llojeve të ndryshme.
