Edhe tani që “Big Brother VIP” ka përfunduar, fansat vëzhgojnë me vëmendje çdo lëvizje dhe veprim të Luiz Ejllit. Duke qenë se nuk e shohin më non stop në televizion, ata e kanë kthyer vëmendjen te profili i tij i “Instagram”-it.
Teksa flasim për botën virtuale, u krijua një zhurmë e madhe për llogarinë e tij në këtë rrjet social gjatë kohës që ai ishte brenda shtëpisë më të famshme në Shqipëri, ku ai kishte fituar mijëra ndjekës brenda një kohe të shkurtër.
Por, pas një ‘beteje’ se kush kishte më shumë të drejtë për ta menaxhuar “Instagram”-in e tij, adresa e vjetër u mbyll dhe një tjetër u hap një javë para përfundimit të BB VIP.
Llogaria e re fillimisht u menaxhua nga partnerja e tij dhe ish-banorja, Kiara Tito, për t’i kaluar më pas Luizit, i cili më herët tha se është i vetmi rrjet social që ai ka të hapur.
Por, ditën e sotme, edhe llogaria e “Instagram”-it me emrin ‘It’s Luiz Ejlli’ tashmë nuk figuron dhe një kërkim i thjesht lë të kuptohet se ajo është zhdukur.
Se çfarë ka ndodhur me këtë llogari dhe nëse do të mund të rikthehet sërish mbetet për t’u parë. Por me siguri që fansat e tij janë mërzitur nga ky fakt.