Ish-kryeministri Sali Berisha u tha mbështetësve të tij në protestën e 12 radhazi poshtë banesës, se nuk ka shqiptar që e voton Edi Ramën.
“Ai përdori armën që kanë përdorur diktatorët në të gjitha kohërat, ai përdori armën që etërit e tij e përdorën mbi shqiptarët, ai përdori armën e fiksimit të qytetarëve.”
Berisha u tha mbështetësve se Edi Rama e di që ai nuk friksohet nga arresti shtëpiak, por këtë vendim ai e mori se donte të friksonte 600 mijë shqiptarët që votuan kundër tij në zgjedhjet e 14 Majit.
“Mori vulën, siglën, hoqi emrin e kryetarit tuaj nga lista e votimit, dha zero financime, përdori bandat, qindra milionë para të buxhetit, vetëm e vetëm për të zhdukur opozitën.”
Berisha e akuzoi kryeministrin Rama se ka grabitur fondet publike dhe pasuritë e shqiptarëve.
