Al Pacino çuditi botën me lajmin se do të bëhej sërish baba në moshën 83 vjecare. Por aktori legjendar duket se ka mbetur dhe vetë aq i befasuar nga fakti qe e dashura e tij 54 vjet më e re, Noor Alfallah, kishte mbetur shtatzënë sa i ka kërkuar asaj t`i nënshtrohej një testi atësie te fetusit.
Sipas një burimi të Page Six pranë çiftit, 83-vjeçari nuk besonte se fëmija ishte i tij për shkak të një problemi mjekësor që zakonisht shkakton infertilitet.
Alfallah, e cila është në muajin e tetë të shtatzanisë, pranoi ta bënte testin i cili dëshmoi se babai i fëmijës është vërtet ylli hollivudian. Burimi shton se Pacino ishte tronditur kur ka marrë vesh se e dashura e tij 29 vjeçare ishte shtatzënë.
Ylli i filmit “Scarface” deri para dy muajsh nuk e kishte idenë se do të kishte një fëmijë të katërt. Ai është sakaq baba i një vajze, Julie (33 vjeçare) me Jan Tarrant, ndërsa gjatë lidhjes me Beverly D’Angelo, erdhën në jetë binjakët Anton dhe Olivia, të cilët janë 22 vjeçarë.