Ish kryebashkiaku i Durrësit Vangjush Dako është arrestuar me urdhër të SPAK.
Operacioni që po vijon në qytetin bregdetar është edhe për disa ish zyrtarë të bashkisë.
Mësohet se Dako akuzohet për shpërdorim detyre, në lidhje me një pallat të ndërtuar në qendër të qytetit të Durrësit, godinë e cila pësoi dëme të mëdha nga tërmeti i 2019-ës.
Sipas hetimeve të SPAK pallati ka pësuar dëmtime të rënda në tërmetin e 26 nëntorit, dhe banorët kanë bërë kallëzim për Dakon dhe ish zyrtarë të tjerë për vrasje masive të mbetur në tentativë.
Hetimi i SPAK për Dakon është shtrirë edhe në verifikimin e pasurisë duke kërkuar verifikime nga institucione të ndryshme.
Ndërkohë që po vijon punë për kapjen edhe të ish zyrtarëve të tjerë për të cilët është lëshuar urdhër-arresti nga SPAK.
