Garda e Republikës ka reaguar pas deklaratës së deputetëve të opozitës, të cilët pretenduan se punonjësit e Gardës që ndodheshin sot në Kuvend, kishin armë.
Në një deklaratë zyrtare për mediat, thuhet se ky pretendim është i pavërtetë ndërsa shtoi se Garda e Republikës mbetet e vendosur të ushtrojë gjithë përgjegjësitë dhe detyrat e ngarkuara, në funksion të garantimit të ligjit.
Kujtojmë se seanca e sotme parlamentare u shoqërua me tensione, ku u kërkuar dhen dërhyrja e Gardës. Në një moment, teksa deputeti Ervin Salianji kishte ndezur një tymuese pranë foltores, një punonjës i gardias ia hoqi nga dora
Deklarata e Gardës së Republikës:
Lidhur me pretendimin e disa deputetëve të opozitës, se punonjës të Gardës në seancën parlamentare kanë qenë me armë në sallë, Garda e Republikës sqaron se:
Ky pretendim është tërësisht i pa vërtetë. Asnjë prej punonjësve të Gardës së Republikës, siç parashikon baza ligjore në fuqi, nuk ka qenë i pajisur me armë zjarri brenda sallës ku zhvillohen punimet.
Garda e Republikës mbetet e vendosur të ushtrojë gjithë përgjegjësitë dhe detyrat e ngarkuara, në funksion të garantimit të ligjit.
