Kryeministri Edi Rama ka dalë ditën e sotme në një konferencë për shtyp teksa ka komentuar votimin e sotëm në Kuvend për t’i hapur rrugë arrestimit t ëish-ministrit Arben Ahmetaj.
“Sot votuam kërkesën e SPAK për të autorizuar arrestimin e një deputeti, ka mbuluar detyra të rëndësishme. Ky zyrtar i lartë ishte një tjetër test për ne, si nismëtarët e Reformës në Drejtësi. E kam kërkuar me shumë ngulm këtë reformë, e kam menduar shumë mirë dhe kam folur për atë që kam menduar. ”- tha Rama
Kujtojmë se sot gjatë votimit vetë kryeministri dha votën pro për kërkesën e SPAK për arrestimin dhe kontrollin e banesës së Arben Ahmetajt. Me 117 vota pro, asnjë kundër dhe 3 abstenim u votua pro kërkesës së SPAK.
Fatmir Mediu, Vangjel Dule dhe Agron Duka abstenuan.