Një pjesë e aeroportit “Orly” në Paris u evakuua ditën e sotme pas një alarmi për bombë.
“Një person tefelonoi policinë rreth orës 18:00 thënë se kishte vendosur një bombë në tualetet në aeroport”, tha një burim policor.
Terminalet 2 dhe 3 janë boshatisur kryesisht për të lejuar policinë, veçanërisht shërbimet e specializuara, si brigadat e qenve, të inspektojnë ambientet.
Në mbrëmje, situata ishte normalizuar plotësisht, bënë me dije mediet franceze.
“Nuk kisha parë kurrë një evakuim të tillë,” tha një dispeçer, i befasuar. “Njerëzit po vraponin në parking, raportoi një taksist. Policia u kërkoi atyre të largoheshin.”
Pasi situata u qetësua, shumica e njerëzve po buzëqeshnin sërish. “
Thjesht na kërkuan të dilnim jashtë. Ne ishim shumë, tregon Katerina, një banore në Draveil (Essonne). Ajo kishte shkuar në aeroport për të marrë një të afërm që kthehej nga Ajaccio.
“Pamë të mbërrinin familjarët tanë, të cilët u evakuuan ndërsa prisnin bagazhin e tyre. Që atëherë ata janë kthyer për t’i mbledhur dhe ne i presim!”
Mbrëmjen e së mërkurës, një aeroplan i Transavia-s që nisej nga Paris-Orly për në Montpellier u ndalua për disa orë pas një alarmi të rremë për bombë. Fluturimi përfundoi duke u anuluar.
“Ky është alarmi i tretë në tre javë”, thotë një burim.
