Një aksident i rëndë ka ndodhur në Fushë-Prezë pak para mesnate.
Një automjet është përplasur me një betoniere dhe si pasojë kanë humbur jetën 4 persona. Policia thotë se viktimat janë katër të rinj, Enejdi Laçi, 25 vjeç, Erildi Laçi, 20 vjeç, Enrikejd Kurti, 24 vjeç dhe Andi Laçi, 22 vjeç. Makina me të cilën udhëtonin u përplase me një betoniere, e cila drejtohej nga 24-vjeçari Aleksandër Krrashi. Pas përplasjes makina e të rinjve shpërthue në flakë.
“Më datë 19.03.2025, rreth orës 23:50, në Fushë-Prezë, nga shërbimi i qarkullimit rrugor është konstatuar një automjet i cili kishte marrë flakë dhe para tij qëndronte një automjet betoniere. Nga hetimet e kryera me qëllim zbardhjen e ngjarjes rezultoi se automjeti drejtohej nga shtetasi E. L., 25 vjeç dhe dyshohet se është përplasur me automjetin betoniere të drejtuar nga shtetasi A. K., 24 vjeç, i cili pas aksidentit ishte larguar nga vendi i ngjarjes. Si pasojë e përplasjes dhe përfshirjes së automjetit nga flakët kanë ndërruar jetë drejtuesi i automjetit E. L., 25 vjeç dhe 3 pasagjerët në mjetin e tij E. L., 20 vjeç, E. K., 24 vjeç dhe A. L., 22 vjeç. Në vijim të veprimeve u shoqërua për veprime të mëtejshme drejtuesi i automjetit betoniere shtetasi A. K, 24 vjeç”, njoftoi policia.
Vijojnë hetimet për zbardhjen e plotë të ngjarjes.
