Një aksident tragjik është regjistruar këtë të hënë rreth orës 09:35, te mbikalimi i Paskuqanit.
Një 35 vjeçar, ka përplasur me automjetin që drejtonte, një 72 vjeçare dhe një 66 vjeçare, të cilat dyshohet se po kalonin trafikndarësen.
Si pasojë, ka humbur jetën 72-vjeçarja, Lena Stafa, dhe është dëmtuar shtetasja tjetër Hatije Muça, 66 vjeç., e cila është në kujdesin e mjekëve.
Drejtuesi i automjetit është shoqëruar në komisariat, për kryerjen e veprimeve të metejshme procedurale, ndërsa grupi hetimor po punon për sqarimin e rrethanave të aksidentit, thekson policia.
Policia dhe grupi hetimor janë nisur drejt vendit të ngjarjes.