Një aksident i rëndë rrugor ka ndodhur ditën e sotme në fshatin Çungur të Pejës në Kosovë, ku për pasojë ka mbetur një person i vdekur dhe një tjetër i lënduar.
Mësohet se viktima e aksidentit është vëllai i reperit nga Kosova të njohur me Gjesti.
Po ashtu, Policia e Kosovës bën të ditur se ngjarja ka ndodhur si pasojë e një përplasjeje ndërmjet një veture dhe një motori me katër rrota.
“Mjeku që ka dalë në vendin e ngjarjes ka konstatuar vdekjen e njërit prej tyre, ndërsa i lënduari tjetër është dërguar për trajtim urgjent në emergjencën e Spitalit Rajonal të Pejës”, thuhet në njoftimin e Policisë së Kosovës.
Ndërkohë grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
