Një aksident i rëndë është shënuar pasditen e sotme në Gramsh, ku ka humbur jetën një person.
Bëhet me dije se aksidenti ka ndodhur në fshatin Meshan, ku drejtuesi i mjetit ka humbur kontrollin dhe makina ka përfunduar në kanal.
Mësohet se Hekuran Perfundi pësoi arrest kardiak dhe më pas humbi kontrollin e mjetit.
Ngjarja ndodhi në fshatin Meshan, pasditen e sotme. Fatkeqësisht drejtuesi i mjetit, Hekuran Perfundi, 60 vjeç, vdiq, ndërsa nipi dhe mbesa e viktimës përkatësisht Aneda Perfundi 9 vjeçe dhe Eni Perfundi 7 vjeç mbetën të plagosur, të dy jashtë rrezikut për jetën.
