Një aksident është shënuar ditën e sotme në aksin rrugor Elbasan-Peqin. Një kamion është përplasur me një trailer duke rënë më pas në kanal.
Mësohet se dy drejtuesit e mjeteve kanë marrë lëndime të lehta. Paraprakisht, shkak i aksidentit dyshohet të ketë qenë parakalimi i gabuar nga drejtuesi i kamionit.
Për pak momente, ka pasur edhe një bllokim të këtij aksi. Ndërkohë, policia ka mbërritur në vendin e ngjarjes për të bërë të mundur zbardhjen e shkaqeve të aksidentit.
