Një aksident është regjistruar mbrëmjen e sotme në fshatin Duhanas, Bashkia Berat.
Një mjet tip BMW ka dalë nga rruga dhe ka përfunduar në kanal. Menjëherë në drejtim të vendit të ngjarjes ka shkuar grupi i shërbimit dhe një mjet zjarrfikës, dhe konstatuan se për shkak të lagështirës në rrugë dhe errësirës, mjeti tip BMW kishte dalë nga rruga dhe kishte përfunduar në një kanal.
Pas ndërhyrjes së punonjësve të zjarrfikëses, u arrit të nxirrej nga mjeti drejtuesi i automjetit me lëndime të lehta.
Grupi hetimor po punon për zbardhjen e shkaqeve të aksidentit. Supozohet se lagështira dhe errësira mund të jenë shkaqet kryesore.
