Një aksident i rëndë ka ndodhur pasditen e sotme në aksin Lezhë-Shengjin, ku dy automjete janë përplasur me njëra-tjetrën.
Sipas informacioneve makinat kanë përplasur “kokë më kokë” dhe për pasojë kanë mbetur të plagosur tre persona, ku dy prej tyre janë në gjendje të rëndë.
Njoftimi:
Rreth orës 18:30, në Shëngjin, automjeti tip “Volkswagen”, i drejtuar nga shtetasi K. K., rreth 21 vjeç, banues në Lezhë është përplasur me automjetin tip “Mitsubishi”, i drejtuar nga shtetasi P. Gj., 65 vjeç, banues në Lezhë.
Si pasojë e aksidentit, kanë mbetur të lënduar të dy drejtuesit e automjeteve si dhe pasagjeri që ndodhej në automjetin “Volkswagen”, shtetasi D. P., 19 vjeç, të cilët ndodhen në spital nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit.
