Një aksident ka ndodhur këtë të diel në aksin Lezhë-Laç.
Dy automjete u përplasën me njëra tjetrën në kryqëzimin e Rrilës, ku nga goditja njëra nga automjetet ka shpërthyer në flakë.
Fatmirësisht personat që ishin në automjetin që u përfshi nga flakët arritën të dilnin në kohë.
“Rreth orës 09:20, tek kryqëzimi i Rrilës janë përplasur automjeti tip “Opel” me drejtues shtetasin P. Q., me automjetin tip “Benz” me drejtues shtetasin Sh. T.
Si pasojë e përplasjes automjeti me drejtues shtetasin P. Q., ka marrë flakë dhe është djegur pjesërisht.
Nga përplasja dhe përfshirja në flakë e njërit prej automjeteve ka vetëm dëme materiale.
Grupi hetimor ndodhet në vendngjarje dhe po punon për zbardhjen e rrethanave dhe shkakut të aksidentit”, thuhet në njoftim.