Një aksident është regjistruar ditën e sotme në aksin Gjirokastër-Tepelenë, në kthesën për tek ura e Hormovës.
Mendohet se shoferi i automjetit ka humbur kontrollin teksa qarkullonte në këtë aks dhe më pas ka përfunduar ne rrjedhen e lumit Drino duke rënë nga një lartësi prej 6 metrash.
Në vendngjarje kanë shkuar forcat policore dhe autoambulanca. Fatmirësisht raportohet se shoferi dhe pasagjeri kanë pësuar lëndime të lehta dhe janë jashtë rrezikut për jetën. Grupi hetimor po punon për të zbardhur rethanat e plota të aksidentit.p
