Një aksident i rëndë me pasojë vdekje ka ndodhur pak minuta më parë në aksin rrugor Fier – Seman.
Një automjet tip “ Benz” është përplasur me një motor duke i shkaktuar dëmtime të rënda drejtuesit të tij, Vladimir Sema.
64- vjeçari nuk ka mundur tu mbijetojë plagëve të rënda dhe për pasojë ka humbur jetën. Në vendngjarje ndodhet policia dhe grupi hetimor i cili po kryen të gjitha veprimet proceduriale pë të zbardhur shkaqet e këtij aksidenti vdekjeprurës.
Ky aks rrugor gjatë verës ka një fluks të madh automjetesh të cilat i drejtohen bregdetit dhe jo në pak raste aksidentet kanë qënë me pasoja fatale.
Banorët e Topojës janë shprehur tepër të indinjuar nga ky aksident vdekjeprurës në këtë aks të konsideruar si “ aksi i vdekjes” duke kërkuar njëzëri marrjen e masave nga institucionet përgjegjëse.
