Aksident masiv në SHBA, 158 automjete përplasen me njëra- tjetrën

Një varg aksidentesh masive ka ndodhur në Louisiana të SHBA-së, për shkak të prezencës së mjegullës në rrugë.

CNN bën me dije se në këtë aksident janë përfshirë të paktën 158 automjete ku deri më tani raportohen 7 viktima dhe 25 të plagosur. Gjithashtu mësohet se shumë udhëtarë të tjerë kanë marrë lëndime dhe po marrin trajtimet e nevojshme.

Sipas mediave të huaja, raportohet se më herët meteorologët kishin paralajmëruar që në zonë do të kishte prani të mjegullës së dendur, e cila krijohet në kushte të lagështa, me tym ku dukshmëria është e kufizuar. Si pasojë e përplasjes disa nga automjetet janë djegur pasi mes tyre ndodhej një kamion cisternë që mbante lëng të rrezikshëm.

“Kombinimi i tymit të zjarrit dhe mjegullës së dendur është i rrezikshëm dhe unë dua të inkurajoj të gjithë banorët e Luizianës në zonat e prekura që të kenë kujdes ekstrem gjatë udhëtimit”, tha guvernatori i Louisiana-s.

Sipas raportimeve mjegulla tepër e dendur, e njohur si super mjegull, u shkaktua nga mjegulla e kombinuar me tymin e zjarreve aty pranë. Louisiana ka luftuar me zjarre të paprecedentë, nxehtësi ekstreme dhe thatësira ​​të jashtëzakonshme gjatë gjithë verës e deri më tani.

Copyright © 2025 Miks News. All rights reserved.