Një aksident i pazakontë është regjistruar mbrëmjen e kësaj të diele në aksin rrugor Levan – Pishporo, në vendin e quajtur Qarr.
Tre automjete janë përplasur, ku si pasojë janë lënduar 3 pasagjerë dhe njëri nga shoferët.
Gjithashtu janë dëmtuar 36 kokë bagëti të imta (dele), të cilat kanë qenë duke kaluar rrugën.
“Rreth orës 18:40, në aksin rrugor “Levan-Qarr”, automjeti me drejtues shtetasin L. Dh., është përplasur me automjetin me drejtues shtetasin E. K., dhe me automjetin me drejtues shtetasin B. S.
Si pasojë e përplasjes janë dëmtuar shtetasit L.Dh., dhe 3 pasagjerë të cilët ndodhen në spital për ndihmë mjeksore, jashtë rrezikut për jetën.
Gjithashtu nga përplasja e automjeteve në rrugë janë dëmtuar bagëtitë e imta të shtetasit N. M.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit”, thuhet në njoftim.
