Një fjalë e përdorur gjerësisht në internet, përkufizohet si stil, hijeshi ose tërheqje…
Çdo vit, Oxford University Press (OUP) – shtypi universitar i Universitetit të Oxfordit, shtypi më i madh universitar në botë – zgjedh një fjalë ose shprehje që ka pasqyruar 12 muajt e fundit dhe ka potencial për të pasur një rëndësi të qëndrueshme kulturore.
“Rizz” është fjala e zgjedhur nga OUP si Fjala e vitit 2023.
Rizz, një fjalë e përdorur gjerësisht në internet, përkufizohet si stil, hijeshi ose tërheqje, ose aftësia e dikujt për të tërhequr një partner romantik ose seksual.
Ndërkohë fjala besohet se është një formë e shkurtuar e fjalës karizëm (charisma).
Nga ana tjetër, OUP tha se ka të ngjarë që më shumë fjalë që rrjedhin nga rrjetet sociale dhe interneti të përdoren në gjuhën e përditshme me kalimin e kohës.