I nxehti afrikan ka mbërritur në Shqipëri dhe kjo javë sipas sinoptikanëve do të jetë “java e ferrit”. Temperaturat pritet të shkojnë deri në 42 gradë Celsius të premten dhe gjatë drekës do të arrihet maksimumi i temperaturave. Sinoptikanët thonë:
Do të ketë rritje temperaturash gjatë mesditës, ditën e premte do të shkojë 42 gradë Celsius në Elbasan, Berat, Gjirokastër apo edhe Fier. Tirana e Shkodra do t’i kenë temperaturat shumë pranë vlerës 41 gradë. Në zonat bregdetare temperaturat do të jenë disi më të ulëta.
Por i nxehti afrikan nuk do mbyllet me këtë javë, pasi vala e të nxehtit do të jetë e pranishme edhe në fund të muajit.
Vala e të nxehtit të zgjasë deri në 10 ditë, pas një ndërprerjeje nga fundi i Korrikut do të sjellë sërsh valë të nxehti. Është një muaj që do te ketë temperaturë shumë të larta.
Ndërkohë këto temperatura të larta pritet të sjellin edhe rrezik për zjarre në disa zona të caktuara të vendit.
