Teksa familjarët e 5 personave në bordin e nëndetëses në detin Atlantik kanë kërkuar nisjen e hetimeve për ngjarjen, të shumta janë pyetjet nëse ka mundësi për gjetjen e trupave të tyre. Kur roja bregdetare amerikane u pyet për mundësinë e gjetjes së trupave të pesë turistëve në bordin e nëndetëses Titan, tha se ekziston një “mjedis tepër i pafalshëm atje poshtë në fund të detit”.
Ekspertët thonë se forca ekstreme e shpërthimit do të thotë se me siguri do të ishte e pamundur. Ekuivalenti i peshës së Kullës Eifel në Paris qëndronte mbi nëndetësen, shpjegon profesori i Autonomisë Detare, Blair Thornton. Ajo që i mbronte ata nga oqeani jashtë ishte struktura e nëndetëses. “Imagjinoni tani që gjëja që ju mbron nga ato forca të mëdha zhduket në një çast”, thotë ai. “Në një vërshim uji, forca do të ishte pamasë, rreth 10 mijë ton do të bien mbi strukturën”, shtoi eksperti.
Denise Court, një profesoreshë e gjenetikës mjeko-ligjore, thotë se do të ishte shumë e vështirë për të shkuar në zonë aq shpejt për të rimarrë trupat. Por shpërthimi i madh në nëndetësen e vogël tashmë do të thotë se ka pak shpresë për t’i rikthyer viktimat tek të dashurit e tyre, thotë ajo.
