Sektori i policisë rrugore të qarkut të Korçës bëjnë me dije se policia rrugore ka ndëshkuar 717 qytetarë vetëm gjatë javës së fundit pasi sipas të njëjtit burim kanë shkelur rregullat e Kodit Rrugor.
Kontrollet intensive janë kryer në të gjithë qarkun duke përdorur radarë dhe dragera, për të evidentuar dhe ndëshkuar shkelësit e Kodit Rrugor, që bëhen rrezik potencial për përfshirje në ngjarje rrugore. Sipas burimeve zyrtare nga Drejtoria Vendore e Policisë Korçë kontrollet intensive kanë qëllim parandalimin e ngjarjeve rrugore me pasoja për jetën dhe shëndetin e përdoruesve të rrugës.
Gjatë javës që lamë pas, si rezultat i këtyre kontrolleve, janë pezulluar 5 leje drejtimi. Gjithashtu, janë arrestuar në flagrancë 2 drejtues mjetesh dhe janë proceduar në gjendje të lirë 3 të tjerë për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Ndërkohë 10 drejtues mjetesh janë ndëshkuar për mosvendosje të rripit të sigurimit. 264 masa administrative janë vendosur për tejkalim të shpejtësisë së lejuar, e evidentuar kjo me radar.
Parkimet e gabuara janë qenë një tjetër fokus i kontrolleve të policisë rrugore duke u ndëshkuar 33 drejtues mjetesh. Janë ndëshkuar edhe 400 të tjerë për shkelje të ndryshme të Kodit Rrugor. Policia e Rrugore e Korçës apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, të moderojnë shpejtësinë, të vendosin rripin e sigurimit, të mos përdorin celularin gjatë drejtimit të mjetit dhe të mos kryejnë parakalime të gabuara.
