Një ngjarje e rëndë ka ndodhur ditën e sotme në Himarë, ku një 69-vjeçar ka ndërruar jetë.
Policia ka njoftuar se ngjarja ka ndodhur në fshatin Bolenë, në një zonë malore, ku 69-vjeçari dyshohet se është rrëzuar aksidentalisht, duke shkuar për në stanin e tij. Ai ka marrë dëmtime të rënda, që kanë shkaktuar vdekjen.
Njoftimi i policisë:
Sot, në fshatin Bolenë, në një zonë malore, dyshohet se është rrëzuar aksidentalisht, duke shkuar për në stanin e tij, shtetasi P. G., 69 vjeç, i cili si pasojë e dëmtimeve të marra ka ndërruar jetë.
Në vendngjarje ndodhet grupi hetimor dhe po punon për zbardhjen e plotë të ngjarjes.
