Pas kryerjes së tre vrasjeve brenda një dite dhe dyshimeve se Dan Hutra mund të jetë autor edhe në vrasje të tjera, familjarët e tij janë drejtuar në polici për të kërkuar mbrojtje. Sikurse bëhet me dije, ajo banon në zonën e Saukut dhe bashkë me të birin janë shprehur të trembur, nga hakmarrja që krimet e Dan Hutrës mund të shkaktojnë në familjet e dëmtuara prej tij.
Ajo ka kujtuar gjithashtu edhe deklaratat e familjarëve të viktimave lidhur me zakonet e zonës për vrasjen e grave. Kujtojmë se një ditë më parë Dan Hutra është paraqitur në gjykatë për masë sigurie dhe në asnjë moment nuk ka shfaqur pendese apo keqardhje për krimet e kryera.
“I kam bërë të gjitha me vetëdije të plotë. Kur më dënuan për dhunë në familje, më dënuan pa asnjë provë, ndaj i bëra të gjitha. I pranoj të gjitha dhe nuk jam i penduar.
Etleva Kurtin e vrava se i vëllai deshi të më helmonte në burg.
Çfarë tha prokurori, i pranoj, i kam bërë të gjitha të menduara dhe nuk jam i penduar. Për të gjitha ngjarjet, kisha motivet e mia..”, tha ai.
