Kongresmenia demokrate nga Nju Jorku, Alexandria Ocasio-Cortez, ka bërë të ditur se ka vendosur të ngrijë vezët e saj, duke ndarë në rrjetet sociale edhe hapat e parë të këtij procesi.
36-vjeçarja publikoi videot të dielën, vetëm pak orë përpara se t’i thoshte ABC News se nuk e ka “përjashtuar mundësinë” për të kandiduar një ditë për presidente të Shteteve të Bashkuara.
Në videot e publikuara, Ocasio-Cortez shfaqet duke marrë një injeksion dhe flet për disa nga gjërat që ka mësuar gjatë procesit. Ajo iu përgjigjet gjithashtu pyetjeve rreth kostove, procedurave klinike, ruajtjes së vezëve dhe mënyrës se si funksionon kujdesi për fertilitetin në sistemin shëndetësor amerikan, të cilin ajo e cilëson si “të dëmtuar”.
“Kjo administratë po ua mohon grave në të gjithë vendin kujdesin shëndetësor riprodhues, që nga të drejtat për abortin deri te mundësia për të pasur një shtatzëni të shëndetshme. Mendoj se është e rëndësishme që ne, si drejtues, të kemi këto biseda dhe të ndajmë publikisht këto procese.”
Sa i përket një kandidimi të mundshëm për president, ajo tha:
“Nuk e kam përjashtuar këtë mundësi dhe jam jashtëzakonisht e përulur nga mbështetja e jashtëzakonshme që po shoh.”