Gjatë një vizite në Kosove Zëvendëskryeministrja e Sllovenisë, Tanja Fajon, ka kërkuar që Prishtina dhe Beogradi të fillojnë negociatat për planin franko-gjerman.
Ndërkohë ministrja e punëve të jashtme Donika Gervalla u shpreh se Kosova është e përgatitur për finalizimin e dialogut. Sipas saj gatishmëria mungon nga Serbia.
Sa i takon asociacionit të komunave me shumicë serbe Gërvalla theksoi se nuk do të marri asnjë hap që shkel Kushtetutën e Kosovës.
Gërvalla ndër të tjera theksoi se kërcënimet për luftë që po i bën Serbia rajonit kërkojnë një përgjigje të përbashkët. E të njëjtit mendim ka qenë edhe presidentja Vjosa Osmani e cila ka nënvizuar se Kosova mbetet palë konstruktive, teksa ka theksuar se Serbia po sjell destabilitet.
