Një aksident ka ndodhur pasditen e kësaj të diele në aksin Elbasan-Peqin, pranë fshatit Pajovë.
Dy mjete janë përplasur, ku si pasojë dy persona kanë mbetur të plagosur. Ata janë transportuar menjëherë drejt spitalit për ndihmë mjekësore.
Në vendngjarje kanë mbërritur forcat e policisë dhe shërbimi zjarrfikës, të cilat siguruan zonën dhe asistuan në ndihmën e parë për të plagosurit. Ekspertët po kryejnë hetimet për të përcaktuar shkaqet e aksidentit. Sipas informacionit paraprak, shkak është bërë një parakalim i gabuar, ndërkohë që të dy mjetet lëviznin me shpejtësi tej normave të lejuara.
Policia ka nisur hetimet për të zbardhur rrethanat e plota të ngjarjes.