Në datën 16 maj do të bëhen bashkë në zemër të Tiranës për Samitin e Komunitetit Politik Europian, liderët e të gjithë kontinentit, nga Londra në Kiev e nga Oslo në Ankara.
Këtë e bëi të ditur kryeministri Edi Rama, përmes një postimi në rrjetet sociale.
Në kuadër të organizimit të këtij samiti të rëndësishëm, qeveria miratoi një vendim duke përcaktuar pushim datat 15 dhe 16 maj për punonjësit e administratës në Tiranë, Kamzë, Vorë dhe Krujë.
Përjashtim bëjnë vetëm Forcat e Armatosura, Policia e Shtetit, Garda, Zjarrëfikset dhe Punonjësit e Sistemit Shëndetësor.
Takime të këtij niveli organizohen për herë të parë në Tiranë, ndërsa pritet që Samiti të marrë vëmendjen maksimale të mediave më të rëndësishme në Europë.
