Një aksident i rëndë ka ndodhur mbrëmjën e sotme pranë Urës së Gjolëve, në Fushë Krujë ku një 55-vjeçar ka humbur jetën.
Bëhet me dije se një mjet ka përplasur shtetasin Pëllumb Stafuka, i cili lëvizte me biçikletë. Si pasojë 55 vjeçari ka ndërruar jetë në vend. Policia ndodhet në vendngjarje dhe po heton shkaqet e aksidentit të rëndë.
Krujë/Informacion paraprak:
Rreth orës 19:00, në aksin rrugor Fushë Krujë-Vorë në afërsi te Ura Gjolës, Fushë Krujë, një automjet me drejtues shtetasin A. K., 19 vjeç, ka aksidentuar shtetasin P. S., 55 vjeç, i cili udhëtonte me biçikletë. Si pasojë e përplasjes ka humbur jetën shtetasi P. S.
Drejtuesi i automjetit është shoqëruar në Komisariat. Grupi hetimor ndodhet në vendngjarje dhe po punon për sqarimin e rrethanave të aksidentit.
