Për 10 vjet, Toka ka pritur valë misterioze radioje çdo dy orë.
Një kërkim i ri i publikuar në Nature Astronomy u kushton vëmendje një ylli të kuq xhuxh dhe një të bardhi që orbitojnë kaq pranë sa fushat e tyre magnetike dërgojnë sinjale radio sa herë që përplasen, pra çdo dy orë.
Zbulimi është një habi për shkencëtarët që më parë ua kishin atribuuar këto shpërthime yjeve neutronë.
“Ne punuam me ekspertë nga të gjitha llojet e disiplinave astronomike. Me teknika dhe vëzhgime të ndryshme, iu afruam hap pas hapi zgjidhjes”, tha uhëheqësja e studimit, Iris de Ruiter.
Shkencëtarët kanë kapur një lloj të veçantë sinjali radioje që është thuajse 9 miliardë vite dritë nga Toka.
Sinjali nuk u dërgua nga alienët por një galaktikë e quajtur SDSSJ0826+5630 kur universi ishte 4.9 miliardë vjeç. Ajo që e dallon këtë sinjal është gjatësia e valëve që njihet si “vija 21 centimetërshe”.
“Është e barasvlefshmja e një kthimi në kohë me 8.8 miliardë vjet”, shprehet kozmologu Arnab Chakraborty. Kjo është hera e parë që ky lloj sinjali është vënë re në një largësi kaq të madhe.
Në vitin 2022, falë sinjaleve të ngjashme, shkencëtarët zbuluan një yll neutron që nuk e kishin hasur më parë. Një yll neutron përbëhet nga mbetjet e një ylli gjigant. Përveç vrimave të zeza, ata njihen si trupat qiellorë më të vegjël dhe të dendur.
