Kryebashkiaku i Tiranës Erion Veliaj ka lënë ambientet e paraburgimit në Durrës, ku ndodhet prej 12 shkurtit dhe është nisur drejt Tiranës.
Ditën e sotme, Veliaj do të paraqitet në Gjykatën e Apelit të Posaçëm pasi ka ankimuar masën e sigurisë “arrest me burg”.
Seanca, që do të zhvillohet në orën 10:00, do të drejtohet nga gjyqtari Engert Pëllumbi.
Veliaj akuzohet për korrupsion pasiv dhe pastrim parash.
Ndërsa ndaj bashkëshortes së Veliajt, Ajola Xoxa, SPAK ngriti akuza për “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë), “Pastrimi i produkteve të veprës penale ose veprimtarisë kriminale”, “Refuzimi për deklarimin, mosdeklarimi, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”.
Gjatë periudhës së burgimit, Veliaj ka kërkuar lirim, duke argumentuar se nuk ka mundësi të shkatërrojë provat apo të largohet nga vendi. Seanca do të shqyrtojë edhe kërkesat për ndryshimin e masave për disa biznesmenë të akuzuar në të njëjtin çështje.
