Dy aksidente janë shënuar mëngjesin e sotëm në autostradën Durrës-Tiranë.
Aksidentet kanë ndodhur në afërsi të mbikalimit të Shënavlashit dhe si pasojë 5 automjete janë dëmtuar. Nga përplasjet e njëpasnjëshme, dy drejtues mjetesh janë lënduar dhe janë dërguar në spital për të marrë ndihmën mjekësore.
Në vendin e ngjarjes kanë mbërritur efektivët e policisë rrugore, të cilët kanë nisur veprimet për zbardhjen plotë të rrethanave.
Njëra korsi e autostradës u bllokua për rreth një orë duke krijuar radhë të gjata automjetesh.
