Një edukatore kopshti është shpallur në kërkim në Tiranë.
Uniformat blu bëjnë me dije se babai i një të mituri, ka denoncuar në komisariatin nr.6 në Tiranë se djali i tij është keqtrajtuar në kopsht nga eduktatorja, R.G., 46 vjeçe.
“Specialistët për Hetimin e Krimeve të Komisariatit të Policisë Nr. 6 referuan materialet në Prokurori dhe po punojnë për kapjen e shtetases R. G., 46 vjeçe, pasi ka kallëzuar një shtetas, se shtetasja R. G. ka keqtrajtuar djalin e tij të mitur, në kopshtin ku ajo punon si edukatore”, njofton policia.
Materialet procedurale i kaluan Prokurorisë së Tiranës, për veprime të mëtejshme.
