Fredi Beleri, i cili sot u la i lirë me kusht ka reaguar për herë të parë, duke thënë se është krenar, por jo i lumtur, pasi sipas tij drejtësia nuk u dha ashtu siç duhet. Skai.gr teksa citon reagimin e Belerit, thotë se ai do ta çojë çështjen e tij në Gjykatën Evropiane për të Drejtat e Njeriut.
“Pas 16 muajsh paraburgim të vazhdueshëm, tani jam i lirë dhe krenar, por sigurisht jo i lumtur sepse shteti i së drejtës dhe demokracia në Shqipëri nuk u rivendos, institucionet nuk funksionuan, drejtësia nuk u dha ashtu siç duhet. Vendimi i sotëm është vetëm një pikë në oqeanin e drejtësisë. Lufta ime tani fillon. Vetëkuptohet se do të ankimoj në Gjykatën Evropiane të të Drejtave të Njeriut për atë që më mohoi regjimi shqiptar në një grusht shteti”, ka thënë ndër të tjera Beleri.
