Punimet për tunelin e Llogarasë po shkojnë drejt fundit. Kryeministri Edi Rama ka publikuar një video nga kantieri i punës në këtë tunel, ku po vijon puna për finalizimin e tij.
Tuneli i Llogarasë, që të çon drejt plazheve magjëpsëse të Jugut të Shqipërisë, do të shkurtojë ndjeshëm kohën e udhëtimit.
Kjo vepër infrastrukturore pritet të hapet në fund të muajit Qershor.
Siç ka bërë me dije disa ditë më parë zv/Kryeministrja Belinda Balluku, këtë vit kalimi në tunelin e Llogarasë do të jetë pa pagesë, ndërsa pas vitit 2025 do të nisë tarifimi për qarkullimin e automjeteve.
